Աղերսագիր

Ըրէ ‘ այնպէս , Տէ՜ր ,

որ սուտը անոր ինծի չհասնի ‘

ինչպէս եդեմի պարտէզին մէջէն

սուտը Ադամին չհասաւ  քեզի  ։

 

Ըրէ’ այնպէս , Տէ՜ր ,

որ բառը մնայ անեղծ  շրթներուն’

ինչպէս Կանայի  հրաշագործ գինիդ ,

ինչպէս երկինքի աստղերուն մէջէն

աստղը մսուրիդ ։

 

Ըրէ’ այնպէս , Տէ՜ր ,

որ իմ քնարիս լարերուն վրայ ,

իմաստութիւնը տառապող սրտի ,

քու սաղմոսներուդ քաղցր խորհուրդով մերթ

իրեն հասնի …

 

Իրիկուններ

Իրիկուններ կան,

որ տակաւին չիրիկնացած՝

հոգւոյս մէջ տեղ- տեղ լոյսեր կը վառեն. ..

իսկ ուշ գիշերուան լուսամփոփիս տակ՝

կը տեսնես յանկարծ,թէ ինչպէս խենթը,

այն լուսածարաւ մոլեգին տենդը

կը սպառնալ ինծի,

տուրք կ’ուզէ անվերջ,

ու չի հանդարտիր,

մինչեւ մրգանան էջերը թուղթիս՝

բառերու բեղուն ակօսներուն  մէջ…

 

Փանոս   Ճերանեան