11 Յու­նո­ւարի առա­ջին զրոյ­ցի խո­րագիրն էր՝ «Իրո­ղու­թեան յու­շագրու­թիւնը»։ Այս խո­րագ­իրով Սե­նա Պա­շէօզ եւ Նես­լի­հան Քո­յունճու Պա­լի բա­ցատ­րութիւններ տո­ւին 23.5 Հրանդ Տինք յի­շողու­թեան վայ­րի պատ­րաստու­թեան եւ հիմ­նադրու­թեան գոր­ծընթա­ցին մա­սին։ Վկա­յու­թիւններ փո­խան­ցո­ւեցան Հա­րաւա­յին Ափ­րի­կէի մէջ կա­տարո­ւած նման նա­խաձեռ­նութիւննե­րէ։

Յա­ջորդ օրը, «Իրո­ղու­թիւնը ար­խի­ւաւո­րել» խո­րագ­իրին տակ, Զէյ­նեփ Թաշ­քըն պատ­մեց Հրանդ Տինք հիմ­նարկի հիմ­նադրու­թեան հետ զու­գա­հեռ ժա­մանա­կագ­րութեամբ Հրանդ Տին­քի ար­խի­ւի մը կազ­մութեան ոդի­սակա­նը։

Թեր­թե­րի կտրօն­նե­րէ, լու­սանկար­նե­րէ, վի­տէօ ժա­պաւէն­նե­րէ, Հրանդ Տին­քի անձնա­կան իրե­րէ բաղ­կա­ցած այդ ար­խի­ւի ձե­ւաւոր­ման մէջ բազ­մա­թիւ կա­մաւոր­ներ, յատ­կա­պէս հա­մալ­սա­րանա­կան երի­տասարդներ բա­ժին ու­նե­ցան։ Այդ գոր­ծընթա­ցը տա­կաւին կը շա­րու­նա­կուի։ Իւ­միթ Քը­վան­ճի հե­ղինա­կած «Յի­շողու­թիւնը Ան­բա­ւարար» խորագիրով վա­ւերագ­րա­կան ֆիլմին 5 տա­րի տե­ւած պատ­րաստու­թիւննե­րուն մասին պատ­մեց Նո­րայր Օլ­կար։

«Ակօս»ի նախ­կին խմբագ­րա­պետ Ռո­պէր Քոփ­թաշ պատ­մեց Ռայ­մոն Գէոր­գեանի եւ Փոլ Փա­պու­ճեանի հե­ղինա­կած «Նախ­քան 1915 Հա­յերը Օս­մա­նեան Կայսրու­թեան Մէջ» խորագիրով գիր­քին հրա­տարակ­չութեան պատ­մութիւ­նը։ «Այ­սօր կ՛ապ­րինք Հրան­դին բա­ցակա­յած աշ­խարհի մը մէջ։ «Ակօս»ի հրա­տարա­կու­եամբ տե­սանք, որ առանց հա­մայնք հաս­կա­ցողու­թեան սահ­մա­նափա­կումնե­րուն, ու­րիշ մարդոց հետ ալ շփո­ւելով կա­րելի էր թուրքիացի հայ ըլ­լալ» ըսաւ Ռո­պէր Քոփ­թաշ։

Շա­բաթ, 13 Յու­նո­ւարին,, այս ան­գամ Հա­զալ Էօզ­վա­րըշի ժո­ղովա­վարու­թեամբ՝ լրագ­րողներ Էլիֆ Աք­կիւլ, Ճա­նան Ճոշ­քուն եւ Եդո­ւարդ Տան­ձի­կեան ոճի­րին յա­ջոր­դող դա­տավա­րու­թիւննե­րուն ըն­թացքին,  լրագ­րո­ղի իրենց տպա­ւորու­թիւննե­րը փո­խան­ցե­ցին լսա­րանին։ Անոնք յատ­կա­պէս անդրա­դար­ձան 2016ին մեկ­նարկած եւ  դա­տուած պե­տական պաշ­տօ­նեանե­րուն   երկրորդ հանգրո­ւանի վկա­յու­թիւննե­րուն։ Անոնք ընդգծե­ցին, թէ ինչպէ՛ս դա­տակազ­մը յա­մառօ­րէն կը մեր­ժէր Տինք ըն­տա­նիքի փաս­տա­բան­նե­րուն հար­ցաքննու­թիւնը ծա­ւալե­լու մի­տող պա­հանջնե­րը։

Եր­կուշաբ­թի, 15 Յու­նո­ւարին, Պա­րըշ Ալ­թընթաշ, Պիւ­լենթ Այ­տըն եւ Մի­լենա Պիւ­յիւմ, Զէյ­նեփ Սունկու­րի ժո­ղովա­վարու­թեամբ՝ պատ­մե­ցին Հրանդ Տին­քի դա­տավա­րու­թիւննե­րուն վերաբերող իրենց անձնա­կան փոր­ձա­ռու­թիւնները։

Այստեղ, Պա­րըշ Ալ­թընթաշ ընդգծեց Հրան­դի Ըն­կերնե­րը հար­թա­կին կա­րեւոր դե­րակա­տարու­թիւնը։ Մի­լենա Պիւ­յիւմ մար­դու իրա­ւունքնե­րու պաշտպան­նե­րու դա­տական նիս­տե­րուն մաս­նակցու­թեան նշա­նակու­թեան անդրա­դառ­նա­լով՝ նշեց որ այս տե­սակի մաս­նակցու­թիւննե­րը կա­րեւոր են իրա­ւաբա­նական գայ­թակղու­թիւննե­րը կան­խե­լու եւ թա­փան­ցի­կու­թիւն ապա­հովե­լու առու­մով։

Պիւ­լենթ Այ­տըն, որ շա­տերուն ծա­նօթ է՝ իբ­րեւ Հրան­դի Ըն­կերնե­րը հար­թա­կի խօս­նակ, երախ­տի­քով նշեց լրագ­րող Այ­տըն Էն­կի­նի եւ փաս­տա­բան Հա­քան Պա­քըր­ճըօղ­լո­ւի պայ­քա­րը։ Ան իր խօս­քե­րը եզ­րա­փակեց՝ յի­շատակ­ման մի­ջոցա­ռումնե­րուն մաս­նակցու­թեան հետզհե­տէ նո­ւազե­լու պատ­կե­րը մեկ­նա­բանե­լով։ «Այդ նո­ւազու­մը նիւ­թի հան­դէպ ու­շադրու­թեան նո­ւազում մը չէ, այլ ժո­ղովրդա­վարու­թեան բա­ցակա­յու­թիւնը»։

16 Յու­նո­ւարին, այս ան­գամ փաս­տա­բան­ներ Ֆեդ­հի­յէ Չե­թին եւ Հիւլյա Տե­ւեճի ելոյթ ու­նե­ցան եւ երախ­տի­քով յի­շեցին ող­բա­ցեալ փաս­տա­բան Հա­քան Պա­քըր­ճըօղ­լո­ւի մեծ ներդրու­մը։ Մա­նաւանդ Չե­թին ման­րա­մաս­նութիւննե­րով պատ­մեց, թէ ոճի­րին՝ պե­տական որո­շու­մով մը գոր­ծադրո­ւելու ապա­ցոյցնե­րը որոնք են։ Ան նշեց, որ ոճի­րը նախ վե­րագ­րո­ւեցաւ «Էր­կե­նեքոն» կո­չուող խմբա­կին։ Ապա, քա­ղաքա­կան զար­գա­ցումնե­րու զու­գա­հեռ, այս ան­գամ լու­սարձա­կի տակ առ­նո­ւեցաւ Ֆե­թու­լահ Կիւ­լե­նի աղան­դը։ «Իրո­ղու­թիւնը այն է, որ ոճի­րէն ետք, փաս­տեր քօ­ղար­կողնե­րը եւ կեղծ փաս­տեր հնա­րող­նե­րը բո­լորն ալ պե­տական պաշ­տօ­նեաներ էին» ըսաւ Ֆեդ­հի­յէ Չե­թին։

Հիւլյա Տե­ւեճի իր կարգին շեշ­տեց նոյն իրո­ղու­թիւնը՝ նշե­լով, որ հար­ցաքննու­թեան մէջ նե­րառո­ւած 85 ամ­բաստա­նեալ­նե­րուն մե­ծամաս­նութիւ­նը կը կազ­մէին պե­տական պաշ­տօ­նեանե­րը։

«ԱԿՕՍ»