Նախաձեռնութեամբ Արեւմտեան Ամերիկայի Հայ Դատի յանձնախումբի կրթական հարցերու բաժանմունքին, Կիրակի, 22 Յունուարին, կ.ե. ժամը 3-5, տեղի պիտի ունենայ նշեալ բաժանմունքի անդամներէն Քաթիա Դաւիթեան Գարակէօզեանի «Արգիլեալ Հայրենիք. Սփիւռքահայու Մը Պատմութիւնը» (Forbidden Homeland, Story of a Diasporan) հատորին գինեձօնը եւ ներկայացումը Կլենտէյլի Հանրային կեդրոնական գրադարանին մէջ (222 E. Harvard St., Glendale, CA 91205) ։

Հատորը հեղինակին ընտանեկան հետաքրքրական պատմութեան ընդմէջէն նոր լոյս կը սփռէ թէ՛ Սփիւռքի, թէ՛ Հայկական Հարցին եւ թէ Արցախի տագնապին վրայ։

Քաթիա Գարակէօզեան Հարաւային Քալիֆորնիոյ համալսարանէն դոկտորի կոչում ստացած է դեղագործութեան մասնագիտութեան մէջ եւ իր ասպարէզին կողքին, գործօն մասնակցող մըն է համայնքին գործունէութեան։

Անոնք, որոնք կը փափաքին ներկայ ըլլալ ձեռնարկին կրնան տեղեր ապահովել՝ դիմելով  ktkauthor@gmail.com հասցէին։

Նշենք, որ հատորը կը ծախուի amazon.com կայքին վրայ, շրջանիս «Սարդարապատ» եւ «Ապրիլ» գրախանութներուն մէջ։