Քասանէ քաղաքին մէջ (Պոթսվանա) ընթացող ԵՈՒՆԵՍՔՕ-ի «Ոչ նիւթական մշակու­թային ժառանգութեան պաշտպանութեան մասին» համաձայնագրի միջկառավարական կոմի­տէի 18-րդ նստաշրջանի ընթացքին կոմիտէն որոշում  ընդունած է Գիւմրիի դարբնութեան աւանդոյթը ԵՈՒՆԵՍՔՕ-ի՝ Մարդկութեան ոչ նիւթական մշակու­թային ժառանգութեան ներկայացուցչական ցանկին մէջ ներառելու վերաբերեալ, յայտնած է ՀՀ արտաքին գործերու նախարարութիւնը։

Դարբնութիւնը Հայաստանի մէջ տարածուած արհեստներէն եղած է, սակայն որպէս քաղաքային արհեստ՝ իր լիարժէք արտայայտումը ձեռք բերած է Գիւմրիի մէջ եւ ծաղկուն շրջան ապրած 19-րդ դարուն: Սերունդէ սերունդ փոխանցուող այս ազգային աւանդոյթի գրանցումը ԵՈՒՆԵՍՔՕ-ի ներկայացուցչական ցանկին մէջ առանցքային նշանակութիւն ունի անոր կենսունակութեան ապահովման, արժեւորման եւ հանրահռչակման համար։