Պոլսոյ մէջ. Հայկական վարժարանը վանտալիզմի ենթարկուած Թուրքիոյ Սթամպուլ քաղաքին մէջ գործող հայկական դպրոցը վանտալիզմի ենթարկուած: Ինչպէս կը տեղեկացնէ «Մասիսփոսթ»ը, վանտալիզմի արարքը տեղի ունեցած է այն ժամանակ, երբ հայերը կը պատրաստուին նշելու Հայոց ցեղասպանութեան տարելիցը: Սթամպուլի նոյն դպրոցին նկատմամբ վանտալիզմի դրսեւորումներ եղած էին նաեւ 2016 թուականի Նոյեմբերին: Դպրոցի պատերուն յայտնուած էր «գիշեր մը, մենք յանկարծ պիտի…
Օրենճ Քաունթիի մէջ Ազգային Միջնակարգ Վարժարան պիտի հաստատուի Երեքշաբթի, 8 Փետրուարի յիտմիջօրէին, Արեւմտեան Ամերիկայի Հայոց թեմի առաջնորդ Թորգոմ եպս. Տօնոյեան, Ազգային առաջնորդարանին մէջ ընդունեց տէր եւ տիկին Արիս եւ Անժելա Իսթամպոլեանները, որոնք հոգեկան անսահման ուրախութեամբ իրենց զօրակցութիւնը յայտնեցին՝ ընդհանրապէս Արեւմտեան թեմին եւ մասնաւորաբար Օրենճ Քաունթիի Սրբոց Քառասնից Մանկանց եկեղեցւոյ ծխական համայնքին, եւ Արի Կիրակոս Մինասեան…
Հալէպի Կրթասիրաց Վարժարանին մէջ Տեառնընդառաջը նշուեցաւ Հալէպի Կրթասիրաց-Չէմպէրճեան վարժարանին մէջ յաւուր պատշաճի նշուած է Տեառընդառաջի բարեբաստիկ տօնը։ Այս մասին կը կարդանք Վարժարանի դիմատետրի էջէն։ Ստորեւ կը ներկայացնենք այդ առթիւ հրապարակուած կարճ թղթակցութիւնը նշելով նաեւ, որ վարժարանի երկարամեայ տնօրէնն է հալէպահայ նուիրեալ գործիչ Տիար Անդրանիկ Պօղոսը։ Ստորեւ թղթակցութիւնը. Ուրբաթ 11 Փետրուար 2022-ի առաւօտուն, Կրթասիրաց Ս. Չէմպէրճեան…
Հայագիտութեան եւ Պատմութեան BA եւ MA Կրթական Աստիճաններ՝ Պուտափէշթի Փազմանի Փիթըր Կաթողիկէ Համալսարանէն. Հաղորդագրութիւն Պուտափէշթի Փազմանի Փիթըր Կաթողիկէ Համալսարանի (Pázmány Péter Katolikus Egyetem) Հայագիտական Բաժինը ուսանողներուն կ՚առաջարկէ Պսակաւոր Արուեստի (Bacherlor of Arts) եւ Վարպետութեան Արուեստի (Master of Arts) կրթական աստիճաններ, որոնք կ՛ընդգրկեն Պատմութիւն եւ Հայագիտութիւն ուղղութիւններ։ Ծրագիրը կը ներառէ համաշխարհային, հայոց պատմութեան ինչպէս նաեւ գրականութեան, հայերէն եւ…
Սրբոց Թարգմանչաց Վարժարան Երկսեռ երկրորդական (միջնակարգ) դպրոց (1952 թուականէն), հիմնուած է 1929 թուականին, Երուսաղէմի մէջ, Եղիշէ Դուրեան պատրիարքի ջանքերով եւ անոր առաջարկով ալ անուանակոչուած՝ ի յիշատակ Մեսրոպ Մաշտոցի եւ Սահակ Պարթեւի։ Կառուցուած է ժառանգաւորաց վարժարանին եւ մատենադարանին կից։ Մանկապարտէզին եւ նախակրթարանին մէջ բոլոր առարկաներու ուսուցումը կը տարուի հայերէն։ Միջնակարգին մէջ հայոց լեզուն (գրաբար եւ աշխարհաբար),…
Մուրատ-Ռափայէլեան Վարժարան Մուրատ-Ռափայէլեան Վարժարանը Եւրոպայի մէջ գտնուող հայկական ամենահզօր վարժարաններէն մէկը եղած է: Հիմնադրուած է 1836-ին, Իտալիա՝ Վենետիկի մէջ, Մխիթարեան միաբանութեան նախաձեռնութեամբ, էտուարտ Ռափայէլի Ղարամեանի միջոցներով, կրելով Ռափայէլեան վարժարան անուանումը։ Եղած է գիշերօթիկ: 1980-ականներուն ունեցած է մօտ 120 սան, որոնցմէ շուրջ 45-ը ուսանած է անվճար։ 1870-էն կոչուած է Մուրատ-Ռափայէլեան (կրթական հաստատութեան կը միանայ Փարիզի Մուրատեան…
Ազգային Կեդրոնական Վարժարան (Պոլիս) Պոլսոյ մէջ հայկական երկրորդական վարժարան։ Իր առքելութեան ձեռնարկած՝ 14 Սեպտեմբեր 1886-ին: 1860-ական թուականներուն արեւմտահայութեան համար նշանակելի երեւոյթ մըն էր Ազգային Սահմանադրութեան որեգրումը։ Թէեւ այդ թուականին Պոլսոյ մէջ կային աւելի քան 40 նախակրթականներ, սակայն երկրորդական եւ բարձրագոյն դասարաններու պակասը մեծապէս զգալի էր։ Այս զարթօնքին Ուսումնական խորհուրդը միշտ օրակարգի վրայ կ’ունենար Կ.Պոլսոյ եւ գաւառներու ազգային նախակրթարաններն…
Ազգային Եղիշէ Մանուկեան Քոլէճ Ազգային Եղիշէ Մանուկեան Քոլէճը ծնունդ կ’առնէր 1963ին, ՄԱՐՏԻԿԵԱՆ ՄԱՆԿԱՊԱՐՏԷԶ- ՆԱԽԱԿՐԹԱՐԱՆ ձեւին եւ անունին տակ՝ վաթսուն աշակերտներով։ Սակայն այդ դպրոցն ալ ունէր գաղափարի իր նախահայրը։ Արդարեւ, Երջանկայիշատակ Սահակ Ա. Խապայեան Կաթողիկոսի օրով իսկ, 1930ական թուականներուն, Անթիլիասի Կաթողիկոսարանին կից բացուած է փոքր դպրոց մը՝ շրջակայքի հայութեան զաւակներուն համար, ՄԵՍՐՈՊԵԱՆ Վարժարան անունով։ 1963ին, Երջանկայիշատակ…
Հայկազեան Համալսարան Սփիւռքի միակ հայկական բարձրագոյն ուսումնական հաստատութիւնը, որ կը վայելէ Մերձաւոր Արեւելքի Հայ Աւետարանական եկեղեցիներու միութեան եւ Ամերիկայի Հայ Աւետարանչական ընկերակցութեան հովանավորութիւնը: Այս կրթօճախը սկիզբը կը կոչուէր Հայկազեան քոլեճ հանգուցեալ դոկտ. Արմենակ Հայկազեանի յիշատակին, որ Քոնիայի (Թուրքիա) առաքելական հիմնարկի (Ճենանեան քոլեճ) ուսուցիչներէն էր ու նաեւ նախագահն էր: Համալսարանը 43 ուսանողներով սկսած է գործել 1955-ի…
Մելգոնեան Կրթական Հաստատութիւն – (ՄԿՀ) նախկին երկրորդական գիշերօթիկ վարժարան, Նիկոսիա, Կիպրոս: Մելգոնեան կրթական հաստատութիւնը սփիւռքահայ կեանքէն ներս մեծ աւանդ ունեցած երկրորդական երկսեռ վարժարան էր մինչեւ 2005 թուականը: Հիմնուած ազգային բարերարներ՝ Գրիգոր եւ Կարապետ Մելքոնեան եղբայրներու կողմէ, 78 տարիներու ընթացքին բարձր մակարդակի ուսում պարգեւած ու դաստիարակած է մօտ 40 երկիրներէ ժամանած հայ պատանիներ: 15 Փետրուար 1924-ին հիմնաքարը կը դրուի Մելգոնեան…