Ճանչնանք մեր բառերը (7) – Առաւօտեան
Ճանչնանք մեր բառերը (7) 1.Առաւօտեան «Ազդակ»-ի քաղաքական էջին սիրած եւ մեծ յաճախականութեամբ կիրարկած,− եւ ուրեմն տարածած,− մէկ բառն է այս, ինչպէս այսօր, օրինակ՝ –Շաբաթ առաւօտեան Դիմադրութիւնը հաղորդեց, որ մարտիկները առաւօտեան կանուխ ժամերուն վար առած են անօդաչու սարք մը (20/11/23, էջ 1, ա. սիւնակ): Քերականական վերլուծումը ցոյց կուտայ, որ այս երկու կիրարկութիւններէն՝ –առաջինը մտածուած է իբրեւ մակբայ՝ «առաւօտեան հաղորդեց»: –երկրորդը մտածուած է իբրեւ ածական՝ «առաւօտեան ժամերուն»: Լեզուական նման լարախաղացութիւն մը «Ազդակ»-ի քաղաքական էջը չցուցաբերէր, հապա ո՞վ պիտի համարձակէր, ո՞վ կրնար երազին…
